Íslenska landnámshænan

Heilir og sælir félagsmenn góðir sem og aðrir lesendur.

Mig langar nú til að byrja á því að óska ykkur öllum gleðilegs sumars (betra seint en aldrei) með þeirri einlægu von um að sumarið verði okkur bæði gott og gjöfult. Þá vildi ég byrja á því að biðja ykkur afsökunar á því hversu seint ég set eitthvað inná heimasíðu félagsins en svona er þetta bara stundum mikið að gera, langur og risjóttur vetur nýliðin með öllu sínu skammdegi og allt félagsstarf í lágmarki víða.

En nú er skammdegið að víkja fyrir birtunni og félagstarfið farið á fullt skrið.

Við vonum bara að það verði bæði fjölbreytilegt og gott á þessu ári.

Þó vildi ég koma því á framfæri til ykkar að þar sem ég er svo önnum kafinn við mín störf, ræktunina sjálfa, útungun, uppeldi, taka á móti gestum, félagstörfin, greinaskrif vegna sýninganna og margt fleira er til fellur hjá mér þá hef ég ekki haft tíma til að setja neitt inná heimasíðu félagsins eins og þið sjálfsagt hafið tekið eftir og hefur hún alveg setið á hakanum.

Þessu þarf að breyta enda þarf síða félagsins að sjálfsögðu að vera opin og virk.

Þar sem ég er sjálfur með mína eigin heimasíðu eins og kunnugt er og hún er einnig tengd inná „facebook“ þá bæði hef ég ekki tíma  til að sinna tveimur síðum svo vel sé og  það verður að gæta sanngirnis og réttlætis vegna þessa svo það bitni ekki á þessum tveimur síðum.

Ég get hvorki hallað á mína eigin síðu né síðu ERL þó  ég sé  orðin formaður félagsins og ákvað ég því að gera viðeigandi ráðstafanir vegna þessa. Það verða þá engir hagsmuna árekstrar vegna síðanna. Ég hef því fengið einn félagsmann til að sjá um síðu ERL fyrir mig og mun hann setja inná síðuna það sem honum er sent.

Það er Jónas P. Hreinsson en hann er þaulvanur auglýsingabransanum og búinn að vinna við allar hliðar hans í um 22 ár og því vel kunnugur heimasíðum og allri tölvuvinnu almennt. Mig langar því til að biðja ykkur um að bara senda til mín það efni sem þið eruð með eða ef það er eitthvað sem þið viljið koma á framfæri á heimasíðu ERL og ég mun svo koma því áfram fyrri ykkur.

 

Annars er síðan opin fyrir allri umræðu og spjalli eins og verið hefur og verður óbreytt áfram.

 

Endilega hafið samband á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða í síma 861-3348.Það má líka hafa samband við Jónas sjálfan á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. og síminn hjá honum er 691-9684.

 

Bestu kveðjur til ykkar allra.

Júlíus Már Baldursson                                                                                                                                                  

Tjörn

Frá formanni.

Heilir og sælir félagsmenn góðir og aðrir lesendur.

 

Eins og kannski mörgum er kunnugt um  þá urðu þær breytingar á síðasta aðalfundi félagsins að Jóhanna G Harðardóttir lét af störfum sem formaður félagsins og var Júlíus Már Baldursson á Tjörn kosinn nýr formaður.

Félagið þakkar Jóhönnu að sjálfsögðu kærlega fyrir öll hennar störf í þágu þess undanfarin ár og óskar henni  alls hins besta og  velfarnaðar við það sem hún tekur sér fyrir hendur. Eins og við flest vitum þá byggist allt félagsstarf  upp á samvinnu og samheldni félagsmanna og skiptir það öllu máli við svona félagstörf sama hversu stórt eða lítið félagið er að fólk vinni og ræði saman, finni lausir í sameiningu á þeim málum sem upp koma ef þess þarf, að það taki virkan þátt í félagsstarfinu ef hægt er að koma því við og svo framvegis.

Munum að Landnámshænan á félagið enda var það stofnað fyrir hana á sýnum tíma en félagsmenn eru félagið enda halda þeir því gangandi með félagstarfinu, sjálfboðavinnu  og félagsgjöldunum. Einnig vil ég minna á að mæta á aðalfundinn ef hægt er að koma því við þó ekki væri nema til að hitta aðra félagsmenn, fá sér kaffi og spjalla saman. Það er nú oft þannig þegar nýr aðili kemur í brúnna þá verða óhjákvæmilega einhverjar breytingar, kannski ekki stórar en einhverjar samt.

En breytingar verða bara sé þeirra þörf, það er ástæðulaust að gera breytingar bara breytinganna vegna eins og oft vill verða. Þó er eitt mál sem þarf nauðsynlega að taka á og það er innheimta félagsgjalda til að allir fái betri yfirsýn á það hvort þeir séu búnir að greiða, eigi það eftir og svo vitað sé í raun hversu margir eru virkir félagsmenn.

Félagsstarfið lá mikið niðri í vetur eins og gerist og gengur og er víða á þessum árstíma, allra veðra er von, skammdegið grúfir yfir og mannskapurinn oft svona frekar framlár en það þýðir samt ekki að ekkert hafi verið gert.

Undirbúningur fyrir sýningar byrjar snemma, vinna við blaðið þarf sinn tíma, það þarf að skrifa greinar, afla gagna,velja myndir og margt fleira sem til fellur áður er blaðið fer í prentun. En nú er komið sumar hjá okkur, félagsstarfið komið á fullt skrið, undirbúningi sýninga í sumar er að ljúka, nefndarstörf eru hafinn og í mörgu að snúast með hinum daglegu störfum heima fyrir. Um leið og ég óska ykkur öllum gæfu og góðs gengis og ekki síst ánægjulegs sumars með von um að sjá ykkur sem flest á sýningunum hjá félaginu þá er það mín einlæga von sú að við vinnum og stöndum saman í félaginu og gerum það enn betra og skemmtilegra ef hægt er.

Ég óska eftir samvinnu ykkar allra.

 

Júlíus Már Baldursson,

Tjörn Vatnsnesi

Landnámhænur á Sunnlenskum sveitadögum

Laugardaginn 5. mai verða haldnir Sunnlenskir sveitadagar á athafnasvæði Jötunvéla á Selfossi (v. Austurveg). Þar verða sýndar landnámshænur á vegum ERL. Félagar sem hafa áhuga og tækifæri til að sýna hænur eru beðnir að hafa samband við Valgerði í síma 896-5736 eða með tölvupósti á netfang Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. . Allir velkomnir!

gleðileg jól

Eigenda- og ræktendafélag landnámshænsna óskar félögum sínum, fjölskyldum og fuglum gleðilegra jóla og góðs nýs árs

Fréttir af aðalfundi félagsins

Aðalafundur var haldinn í kaffistofu Bændasamtakanna hann var fámennur en fundarefni mörg. Fundurinn hófst á því að Jóhanna Harðardóttir flutti skýrslu formanns og þakkaði þar félögum og stjórnum félagsins fyrir frábært starf frá stofnun þess. Á síðasta aðalfundi féllst Jóhanna á að sitja eitt ár til viðbótar, en lét nú af störfum sem formaður þess frá upphafi. Hún mun vinna blað félagsins á næsta ári.

Valgerður Auðunsdóttir skýrði reikninga og var niðurstöðutala þeirra um rúm 200 þúsund í hagnað enda litlu varið til sýninga að þessu sinni.

Kosið var í stjórn, Júlíus Baldursson á Tjörn var kjörinn formaður og ritari var kjörin Guðný Gísladóttir, Dalmynni. Hugi Ármannsson var kjörinn í varastjórn og Jón Björnsson endurskoðandi reikninga.

Tvær tillögur voru lagðar fram og samþykktar; 1. Tillaga um að aðalfundur ERL felur stjórn félagsins að sækja nú þegar og eigi síðar en 20. Nóvember 2011,  um aðild að Samningi um varðveislu menningarerfða innan Sameinuðu þjóðanna (UNESCO) (Flutningsm J.H.)

2. Tillaga um að stofnuð verði þriggja manna nefnd, sem hafi það hlutverk fram að næsta aðalfundi ERL, að skilgreina og lýsa einkennum íslensku landnámshænunnar (characterization). Jafnframt vinni nefndin að gerð veggspjalds í samvinnu við Bændasamtök Íslands sem sem nú þegar hafa verið lögð drög að (Flutningsm:Ó.D. og J.H.).

 

Aðalfundur ERL laugardaginn 5. nóvember

Aðalfundur ERL verður haldinn í kaffistofu Bændasamtakanna við Hagatorg laugardaginn 5 nóvember. Fundurinn hefst klukkan 14:30

Venjuleg aðalfundarstörf og kaffiveitingar í boði stjórnar

eggjasala

Blómaval opnar bændamarkað um helgina og langar til að hafa þar að boðstólum landnámshænuegg.

Viljið þið þarna úti vera með í eggjasamlaginu okkar og koma eggjunum  ykkar á framfæri til markaðarins?

Ef svo er eruð þið vinsamlega beðin að láta vita til Jóhönnu formanns félagsins á netfangið: Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

engin sýning á Hrafnagili í ár

Til að koma í veg fyrir fýluferðir skal tekið fram að auglýst sýning á Hrafnagili verður ekki haldin í ágúst. Stefnt er að sýningu á Norðurlandi á næsta ári og þá á nýjum stað...